Вулканот во Исланд вчера еруптираше по четврти пат од декември минатата година, соопшти метеоролошката служба на земјата, пренесува Ројтерс.
Ерупцијата започна во 2023 година и се проценува дека пукнатината е долга околу 2,9 километри, приближно со иста големина како и последната ерупција во февруари, се вели во соопштението на Исландската метеоролошка служба. Властите со недели предупредуваа дека е неизбежна ерупција на полуостровот Рејкјанес јужно од главниот град на Исланд Рејкјавик. Местото на ерупцијата беше помеѓу Хагафел и Стора-Скогфел, истата област како и претходната ерупција што се случи на 8 февруари.
„Ова беше дефинитивно очекувано“, рече Рике Педерсен, шефица на Нордискиот вулканолошки центар. Се разбира дека точното време на ерупцијата е невозможно да се предвиди. Првите знаци за ова движење кон површината всушност се случија само околу 15 минути однапред“, рече таа.
Лавата брзо течеше на југ кон блискиот рибарски град Гриндавик, каде што неколку од речиси 4.000 жители се вратија по претходните ерупции, соопшти Метеоролошката канцеларија. Исландската полиција соопшти дека прогласила вонредна состојба во областа. Блискиот луксузен геотермален спа центар Blue Lagoon веднаш ги затвори вратите, како и за време на претходните ерупции.
Исланд да се пофали со повеќе од 30 активни вулкани, што го прави северноевропскиот остров главна дестинација за вулкански туризам – сегмент што привлекува илјадници трагачи по возбуда. Вулканските ерупции на полуостровот Рејкјанес се таканаречени ерупции на пукнатини, кои обично не предизвикуваат големи експлозии или значително расфрлање на пепел во стратосферата.
Гасовите од ерупцијата патувале кон запад во морето, соопшти метеоролошката служба. Научниците стравуваат дека ерупциите би можеле да продолжат со децении, а исландските власти почнаа да градат насипи за да ги пренасочат запалените текови на лава подалеку од домовите и критичната инфраструктура. Февруарската ерупција го прекина централното греење на повеќе од 20.000 луѓе бидејќи лавата ги уништи патиштата и цевководите.
Сместен меѓу евроазиските и северноамериканските тектонски плочи, меѓу најголемите на планетата, Исланд е сеизмичко и вулканско жариште бидејќи двете се движат во спротивни насоки.
Марта Пешевска