Хрватското приморје повторно гори, овој пат пожарникарите се борат против пожарот кој избувна вчера вечерта на локалната депонија во стариот дел на островот  Хвар. Пожарот го гаснат 30 пожарникари и 10 против пожарни возила.

Локалните медиуми пишуваат дека пожарот кој избувнал во депонијата брзо се проширил и ја зафатил боровата шума, но за среќа нема повредено луѓе или изгорено објекти.

Хрватскиот министер за внатрешни работи Давор Божиновиќ, вчера на својот профил на „Твитер“ ја објави прелиминарната проценка на штетата од пожарите во сплитскиот регион која, без изгорените шуми, изнесува 42,4 милиони куни (околу 5,75 милиони евра).