Најмалку 24 лица, главно тинејџери загинаа утрово во пожат во спална соба во исламското училиште во предградието на Куала Лумпур, Малезија, соопштија официјални претставници.
-Пожарникарите пристигнале на самото место веднаш по повикот за помош во 5.41 по локално време и им требало еден час да го изгаснат пожарот, кој започнал на горниот спрат на двокатната зграда, изјави шефот на полицијата Амар Синг.
На самото место се пронајдени 24 изгорени тела, од кои 22 се момчиња меѓу 13 и 17 години и двајца наставници.
Се верува дека сите починале од задушувања, а телата се целосно изгорени.
Синг рече дека 14 ученици и четворица наставници се спасени, но шестмина од нив се во критична состојба.
Пожарот избувнал со спалната соба кај момчињата, кои останале заробени внатре, бидејќи просторијата има само еден излез, а на прозорците има решетки. Полицијата ги истражува причините за пожарот.