Пратениците не ја прифатија иницијативата на пратеникот Павле Трајанов да измените кои ги бара СЈО, се најдат пред пратениците пред да се распушти Собранието денеска, како што се очекува.
Трајанов ги повика народните претставници да се одважат од партиските инструкции во Законодавниот дом, и да ги прифатат измените за да покажат волја пред одржувањето на изборите дека работат за граѓаните, и да му помогнат на СЈО својата работа да ја врши многу поефикасно со измените во Законот за заштитени сведоци како и продолжувањето на рокот на Специјалното јавно обвинителство.
Но со 50 гласа ЗА и 55 ПРОТИВ, неговиот предлог не помина во Собрание.
Со тоа, останува во текот на денот да се гласа Буџетот за 2017 година, како и кадровските измени во Регулаторната комисија пред да се дискутира за распуштањето, предлог на пратеничката група на СДСМ.
Како дополнителна точка за распуштањето на Собранието поднесе и Павле Трајанов, која е предвидена како последна на 125.седница на пратениците.