Американскиот пливач Рајан Лохти, кој е сопственик на 12 олимписки медали, е суспендиран на 14 месеци поради прекршување на анти-допинг правило. Причина за изречената казна на еден од најдобрите спортисти на денешницата е бизарна.
Лохти се најде на тапет за споделување на фотографија на социјалните мрежи додека вбризгува инфузија поголема од 100 милилитри што е забрането.
„Интравенозните инфузии поголеми од 100 милилитри се забранети освен во посебни случаи како на пример болничко лекување и операции“, е наведено во соопштението на американската анти-допинг агенција УСАДА.
Притоа се напоменува дека Лохти не се допингувал, но прекршил правило. Затоа беше поведена истрага против него во која пливачот соработувал во целост.