Челзи го совлада Арсенал со 3:1 во дербито на 24 коло во Премиерлигата за огромен, можеби и решавачки, исчекор на лондонските „сини“ кон шампионската титула. Стрелци на „Стемфорд бриџ“ по попладнево беа Маркос Алонсо во 13 минута, Еден Азар во 52 минута и Сеск Фабрегас во 85 минута за домашните, Оливие Жиру во првата минута од судиското продолжение само го ублажи поразот на „топчиите“.
Тимот предводен од Антонио Конте е лидер на табелата со 59 бода дури 12 повеќе од Тотенхем на втората позиција. „Спарси“ своите обврски во ова коло ги имаат во последниот меч од денешната програма (18,30 ч.) против Мидлсборо на „Вајт Харт Лејн“.
Челзи поведе во 13 минута преку Маркос Алонсо. На центаршутот на Педро тргна Диего Коста, но при обидот на Бразилецот пречката беше сојузник на веќе совладаниот Петр Чех. Во борба за одбиената топка влегоа Алонсо и Белерин пришто Шпанецот излезе како победник во воздушниот дуел за еуфорија на трибините.
Вториот гол за беше вистинска мајсторија на Еден Азар. Белгиецот прифати топката на средина на теренот, претрча 40-тина метри во полето на Арсенал, им избега на Коклан Кошчелни, а ниту Мустафи, со лизгачки старт, не успеа да спречи 2:0.
Финишот на средбата донесе уште два гола, по еден на двете страни. Челзи најпрво зголеми со лоб ударот на Фабрегас во 85 минута (Шпанецот се воздржа од прослава на голот против својот поранешен клуб), а Французинот Жиру во ексттра времето успеа да го совлада Куртоа за конечни 3:1.
Премиерлига, 24. коло
Челзи – Арсенал 3:1
Кристал палас – Сандерленд (16 ч.)
Евертон – Борнмут
Хал – Ливерпул
Саутемптон – Вест Хем
Вотфорд – Барнли
ВБА – Стоук
Тотенхем – Мидлсборо (18,30 ч.)