Изненадувачкиот пораз на „Стемфорд бриџ“ од Барнли во воведното коло од новата сезона, фудбалерите на Челзи го покрија со трета победа во низа во Премиерлигата. По Тотенхем и Евертон и паузата за репрезентативни настапи, лондонските „сини“ го совладаа и Лестер на гости со 2:1 и се израмнија со Манчестер јунајтед на второто место на табелата со девет бода.
https://www.youtube.com/watch?v=G_DLGvL_uJo
Алваро Мората продолжи со голгетерската форма за составот на Антонио Конте. Шпанецот погоди во 41 минута по додавање на Аспиликуета, а во листата на стрелци се впиша и Нголо Канте во 50 минута. Единствениот за домашните го постигна Џејми Варди во 62 минута од пенал.
https://www.youtube.com/watch?v=qhaGWIETXBM
Репрезентативната пауза, се чини, му годеше на Арсенал кој по двата премиерлигашки дебакла славеше против Борнмут со 3:0. Двапати Велбек и еднаш Лаказет ја тресеа мрежата на аутсајдерот во конкуренцијата како најава што сакаа да ја испратат „топчиите“ дека кризата е во фаза на надминување. Дали е така ќе покаже големиот испит во наредниот викенд во кој ќе составот на Венгер ќе биде гостин на Челзи.
Со идентичен резултат и Тотенхем го поразија Евертон на „Гудисон парк“. Двоен стрелец за „спарси“ беше Хари Кејн (28′ и 46′), во меѓувреме погоди и Ериксен (42′).
Манчестер сити со „петарда“ за Ливерпул на „Етихад“
https://www.youtube.com/watch?v=1m0K68p-O6U
Манчестер сити го декласира Ливерпул со 5:0 во дербито на четвртото коло во Премиерлигата. Почетокот на мечот им припадна на гостите кои се заканија преку Мохамед Салах, но продолжението во целост беше во знак на „граѓаните“. Два гола на Габриел Жезус (45’+6′ и 53′), два и на Лирој Сане (77′ и 90’+1′) и еден на Серхио Агеро (24′) во потопот на тимот на Јирген Клоп на „Етихад“. Гостите од 37 минута играа со фудбалер помалку по исклучувањето на Садио Мане.
Премиерлига, 4 коло
Лестер – Челзи 1:2
Евертон – Тотенхем 0:3
Арсенал – Борнмут 3:0
Саутемптон – Вотфорд 0:2
Брајтон – ВБА 3:1
Манчестер сити – Ливерпул 5:0
Стоук – Манчестер јунајтед (18,30 ч.)
Недела
Барнли – Кристал палас (14,30 ч.)
Свонси – Њукасл (17 ч.)
Понеделник
Вест Хем – Хадерсфилд (21 ч.)
Табела: Манчестер сити 10, Манчестер јунајтед 9 (-1), Челзи 9, Вотфорд 8, Тотенхем 7, Хадерсфилд 7 (-1), Ливерпул 7, ВБА 7, Арсенал 6, Саутемптон 5, Барнли 4 (-1), Стоук 4 (-1), Брајтон 4, Свонси 4 (-1), Евертон 4, Њукасл 3 (-1), Лестер 3, Кристал палас 0 (-1), Борнмут 0, Вест Хем 0 (-1).