Прес конференција на министерот Панче Тошковски.
Тој информираше дека во дискотеката имало околу 500 лица од кои загинати 59, а повредени 162. Извршена обдукција на 15 лица.
Од извршен разговор со член на групата ДНК утврдено е дека прскалките во дискотеката ги донел бендот.
Министерот рече дека распишаната потерница за 4 лица е повлечена.
Во полициска станица во СВР Тетово и СВР Скопје приведени се 5 лица, меѓу кои и поранешен министер.
Тошковски рече дека биле извршени претреси на домовите на две лица.
За дискотеката тој рече дека нема важечка лиценца, тој приложил фалсификат документ.
Следно Тошковски најави дека ќе се врши претсрес на автомобилот и домот на сопственикот на дискотеката.
Објектот, кој бил дискотека, имал намена за лесна индустрија.
Во однос на прашањето дали требало дискотеката да има дозвола за ваков настан, Панче Тошковски рече дека МВР не дава одобрение за одржување настани, туку ја следи состојбата од аспект на ред и мир.
Во однос на работното време, односно обвинувањата зошто работела дискотеката до 3 часот согласно законска регулатива објекти од типот на кабареа смеат да работа до 4 часот по полноќ, рече Тошковски.
Констатиравме дека системот во Македонија е корумпиран до тоа ниво што можеме да кажеме дека имаме катастрофална состојба во делот на постапување на огромен број институции, рече Тошковски.
Тошковски најави темелни инспекциски контроли кои на површина ќе ги извадат сите неправилности.
Или системски и одлучно ќе смениме во оваа држава или ќе ја нема, рече тој.