Предлогот за референдум на Граѓанската иницијатива „Учебници и настава мора да има“ на чекор до реалзација. Откако Парламентарниот комитет за политички систем и односи меѓу заедниците и Законодавно-правната комисија го прифатија предлогот поднесен во Собранието, останува конечниот збор да го каже собранискиот спикер. Доколку и претседателот на Парламентот Талат Џафери даде зелено светло, тогаш ќе почне постапката за собирање на 10.000 потписи за распирување на референдум на ниво на целата држава.
Драгана Спасовска, иницијатор на „Учебници и настава мора да има“ вели оти по одговорот од Џафери ќе имаат рок од 30 дена да ги соберат потписите.
„Кога Државната изборна комисија ќе отвори избирачки единици, имаме рок од 30 дена да собереме 10 000 потписи. Потоа нив повторно ќе ги доставиме во Собранието за распишување референдум. Нема сомнеж оти ќе ги собереме лјади потписите што се потребни за да се организира непосредно изјаснување на граѓаните.
Таа изјави дека за референдумот ќе формулираат прашање што ќе биде концизно и конкретно за да нема забуни.
Спасевска на седниците на собраниските комисии денеска ги образложи причините за нивните барања и зошто сметаат дека најавените реформи не се во интерес на децата.
Фејсбук групата „Учебници и настава мора да има“ брои 70 000 приврзаници кои, според Спасевска, се гласот на родителите. Тие до надлежните имаат неколку барања во врска со најавените реформи, но пред се да се запре донесувањето на Предлог-законот за учебници и наставни материјали во основно и средно образование, кој е во собраниска процедура.
Според Предлог-законот за учебници и наставни материјали во основното и средното образование, од учебната 2021/2022 година ќе бидат воведени дигитални учебници, прво во четврто одделение, а во наредните години и во погорните одделенија, како и во средното образование. Според предлог-законот, учениците до трето одделение ќе продолжат да учат од печатени (хартиени) учебници.