Европската унија го одобри барањето на Босна и Херцеговина за влез во Унијата. Според ЕУ, БиХ, која поднесе апликација во февруари, постигнала значителен напредок.
Советот на ЕУ и порачала на Комисијата да даде мислење за подготвеноста на Сараево, што значи дека во претстојниот период Босна и Херцеговина ќе добие прашалник по кој треба да се утврди дали земјата заслужува статус на кандидат за членство.
Претседателот на Советот на министри на Босна и Херцеговина, Денис Звиздиќ изјави дека ова е историски момент за европскиот пат и европската иднина на земјата.
По добиените одговори Европската комисија ќе направи проценка на босанската економија, на нивото на демократија, владеење на правото и човековите права и способноста на Босна и Херцеговина да ги почитува обврските поврзани со членството.
Еден од клучните услови е исполнувањето на решение од 2009 година на Европскиот суд за човекови права, што ја обврзува земјата да дозволи на етнички малцинства, како Евреи и Роми, да можат да аплицираат за високи државни позиции, нешто што се уште не е испочитувано од Босанците.