Денеска пристигнуваат 100 илјади вакцини на АстраЗенека, донација од соседна Грција, најави Министерот Венко Филипче кој учествуваше на отворањето на Центарот за прва психолошка помош и психосоцијална поддршка од страна на Црвен Крст.
Тој соопшти дека денеска ќе бидат подготвен распоредот по кој ќе се изврши теренското вакцинирање, потенцирајќи дека акцент ќе биде ставен на руралните средини, особено во Шуто Оризари, како и во другите рурални места во другите градови.
Апелираше граѓаните да се јават на пунктовите и да се вакцинираат, бидејќи веќе од понеделник сите пунктови ќе бидат отворени и ќе може да се вакцинираат сите оние кои сакаат да се вакцинираат и без да се пријават.
– Луѓето треба помасовно да се вакцинираат и тоа треба да биде фокусот во наредните неколку месеци, за било кој следен бран го дочекаме спремни. Затоа што некои од предвидувањата на оваа пандемија се дека ќе потрае. Не знаеме дали е така, но тоа е едно од сценаријата и две години од сега, истакна Филипче.
Покрај најавата дека од понеделник започнува теренската вакцинација ќе се дозволи и вакцинирање на деца од 12 до 16 години со вакцината на Фајзер којашто во овој момент е единствена вакцина која е дозволена да се користи за деца.
Според министерот за здравство, Венко Филипче, состојбата со корона вирусот во Македонија е мирна и засега нема потреба за нови евентуални мерки.
До крајот на неделава, информира Филипче, со членовите на Комисијата за заразни болести ќе се дискутира дали сегашната состојба бара воведување некакви рестриктивни мерки.
Министерот истовремено информира дека вакцинацијата за наставниците и градинките, додека пак од здравствените работници досега се вакцинирани околу 70 проценти.
– Ние ќе имаме уште една интензивна кампања сега посебно за здравствените работници, наша, интерна помеѓу вработените со јавно здравените установи, додаде Филипче.
Поради детектирањето на индиската – делта варијанта на коронавирусот кај пациенти во земјава, можно е воведување мерки на границите при влез во Северна Македонија, но не и реорганизација на она што сега функционира како што се отворени установи со протоколи.
Ивана Рамаданова