Кривичниот суд денеска соопшти дека е определн притвор од 30 дена за уште двајца, од 36 осомничени за настаните од 27 април, за кои Основното јавно обвинителство пред два дена отвори истрага за терористичко загрозување на уставниот поредок и безбедноста.
-Во текот на вчерашниот ден пред судија на претходна постапка при Основниот суд Скопје 1 – Скопје, беа спроведени две лица опфатени со предлогот на ОЈО за организиран криминал и корупција за определување мерка притвор, а поврзано со настаните од 27 април во Собранието на Р.М., за кои по произнесување на спроведените лица во однос на предлогот на обвинителството, судија на претходна постапка донесе решение со кое го прифати предлогот и на М.М и С.М. им определи мерка притвор во траење од 30 дена, соопшти Судот.
Против овие неправосилни решенија, тие имаат право на жалба до Кривичниот совет на овој суд во рок од 24 часа по приемот на решенијата.
Претходно судијата на претходна постапка одреди притвор за 13 лица: М.Ч., О.П., И.Д., М.П., О.Р., Г.А., В.Т., Д.Л., И.Ц., Б.И., Ј.Ч., И.С., и В.М. , додека за шетсмнина- С.М., Г.Ѓ., М.П., Е.Д.Б., Б.Д., В.Ј, иопредели мерка куќен притвор.
Собраниската Комисија за мандатно имунитетни прашања денеска на седница на која не присуствуваа пратениците од ВМРО ДПМНЕ одлучи да им го одземе мандатото на шетмината пратеници: Крсто Мукоски, Љубен Арнаудов, Сашо Василевски, Жаклина Пешевска, Љупчо Димовски и Јохан Тарчуловски, за учеството во настаните од 27 април.
Министерот за внатрешни работи Оливер Спасовски денеска рече дека полицијата ги бара останатите осомничени и дека има сомненија дека некои од нив имаат и двојни државјанства, но не откри повеќе детали. Исто така рече дека нема потреба од потерници, бидејќи тие наводно се наоѓаат во земјата.