Published: Sunday, February 24, 2019 10:14
На булеварот „Борис Трајковски“, кај влезот на поранешната фабрика Стаклара, и на регионалниот пат „Јадранска магистрала“, кај надвозникот кон Визбегово, денеска ќе има привремен сообраќаен режим поради изведување градежни зафати.
Од Град Скопје информираа дека екипите на јавното претпријатие „Улици и патишта“ ќе поставуваат портални семафори за знаци со променлива содржина. Градежните работи ќе се изведуваат од 7:30 до 12:30 часот поради што сообраќајот ќе се одвива со кратки прекини.
Се апелира до учесниците во сообраќајот да го почитуваат сообраќајниот режим и поставената патна сигнализација и да ја приспособат брзината на движење на условите на патот.