Роџер Федерер сподели тајна со јавноста за време на настапите на завршниот Мастерс во Лондон. Швајцарскиот тенисер призна дека со триумфот на Вимблдон во 2003 година освоил се што може да освои во кариерата.
„Застрашувачки беше моментот кога се подложив на операција бидејќи немав такво искуство претходно. Кога се разбудив по зафатот не знаев дали ќе можам да одам во животот“, порача Федерер кој го пропушти финишот на ланската сезона поради хируршка интервенција на коленото.
Принудната пауза го направи посилен и веќе оваа сезона се врати на тениските терени како во своите најдобри денови. Ги пропушти настапите на земја, но освои два гренслема, три Мастерс турнири и уште два други турнира.
„Идејата да ставам крај на кариерата беше во ред. Можеби уште во 2003 година кога го освоив Вимблдон. Свесен сум дека чудно звучи, но победата на Вимблдон беше остварување на мојот животен сон. Меѓутоа, да бидам искрен, по освојувањето на Ролан Гарос во 2009 година, бев подготвен да се пензионирам наредниот ден“, заклучи Швајцарецот.
Федерер моментно е дел од завршниот Мастерс во „О2 арена“ во Лондон на кој обезбеди пласман во полуфинале.