10.221 граѓани вчера примиле вакцина на вакциналните пунктови ширум земјата. Од нив, со прва доза се вакцинирале 9.974 граѓани. Во државата вкупно се аплицирани 255.259 дози вакцини, а ревакцинирани се 38.806 граѓани или вкупно 216.453 граѓани биле вакцинирани на вакциналните пунктови.

Со последните бројки 45,7 проценти од населението над 70 години имаат примено барем една доза вакцина, 38,8 отсто од населението над 65 години е вакцинирано со барем една доза вакцина.

Интересот за вакцинација секојдневно се зголемува, а досега бројот на лица кои изразиле желба за вакцинација преку веб платформата vakcinacija.mk е 395.776 граѓани, информираат од Министерството за здравство.

Вакцинацијата се спроведува согласно Националниот план за имунизација. Се вакцинираат возрасни лица, граѓани кои искажале интерес за вакцинација на веб страницата, а се вакцинираат и лица вработени во критична инфраструктура.