Мина времето на Петер Шмајхел, на браќата Лаудруп, на Ким Вилфорт чија генерација стана од плажа во 1992 година, го зазеде местото на поранешна Југославија и без подготовки стана европски првак во Шведска. Данците со гордост се навраќаат на тој период и желно посакуваат реприза на тогашната еуфорија и во иднина. Имаат и фудбалски материјал да бидат фактор и на претстојното Светско првенство. Ги предводи фантастичниот Кристијан Ериксен кој игра во животна форма во дресот на Тотенхем. Се оди преку него и во националниот тим за кој досега реализира 18 гола во 74 одиграни натпревари.
Одбраната им е доверена на Андреас Кристенсен од Челзи и искусниот Симон Кјаер од Севилја, Николај Јоргенсен од Феенорд е прва напаѓачка опција. Место сè уште има и за Никлас Бендтнер кој со своето искуство е од непроценливо значење за „данскиот динамит“ како што прекарот на репрезентацијата. Од клупата ги наведува 64 годишниот Норвежанец, Аге Хареиде кој ја водеше и селекцијата на својата земја во минатото. На клупски план работеше во Викинг, во Розенборг, во Брондби и во Малме со кои освои две шампионски титули во Шведска и по една во Норвешка и во Данска.
Данска по петти пат ќе се појави на Светските фудбалски првенства. До првото по 2010 година мораше преку бараж двомеч во кој ја елиминира Република Ирска со вкупни 5:1. Најдоброто, пак, на мундијалите го истакнаа во 1998 година кога дотуркаа до четврт-финале пред да бидат поразени од Бразил.
Конечен список на Данска за СП 2018
Голмани
Каспер Шмајхел (Лестер)
Јонас Лосл (Хадерсфилд)
Фредерик Ронов (Брондби)
Одбрана
Симон Кјаер (Севилја)
Андреас Кристенсен (Челзи)
Матијас Јоргенсен (Хадерсфилд)
Јаник Вестергард (Борусија Менхенгладбах)
Хенрик Далсгард (Брентфорд)
Јенс Стригер Ларсен (Удинезе)
Јонас Кнудсен (Ипсвич)
Среден ред
Вилијам Квист (Копенхаген)
Томас Делејни (Вердер)
Лукас Лерагер (Бордо)
Ласе Шоне (Ајакс)
Михаел Крон-Дели (Депортиво ла Коруња)
Кристијан Ериксен (Тотенхем)
Напад
Пјоне Систо (Селта)
Мартин Брајтвајт (Бордо)
Андреас Корнелиус (Аталанта)
Виктор Фишер (Копенхаген)
Јусуф Поулсен (Лајпциг)
Николај Јоргенсен (Феенорд)
Каспер Долберг (Ајакс)
Селектор: Аге Хареиде
МЕЧЕВИ НА СП 2018
Перу – Данска (16 јуни, 18 ч.)
Данска – Австралија (21 јуни, 14 ч.)
Данска – Франција (26 јуни, 16 ч.)
Резултати во подготвителниот период
Данска – Мексико 2:0
Шведска – Данска 0:0
Данска – Чиле 0:0
Данска – Панама 1:0
Лична карта на Данска
ФИФА ранг листа: 12 место
Прекар: Дански динамит
Настапи на СП: 4
Најдобар пласман: четврт-финале во 1998 година
Настапи на ЕП: 8
Најдобар пласман: шампиони во 1992 година
Најдобар стрелец: Пол Нилсен и Јон Дал Томасон – по 52 гола
Најмногу настапи: Петер Шмајхел – 129 меча
Прв меѓународен меч: Данска – Франција 9:0 во 1908 година
Најубедлива победа: Данска – Франција 17:1 во 1908 година
Најубедлив пораз: Германија – Данска 8:0 во 1937 година