Пензиониран офицер, кој е осомничен дека со децении шпионирал за Русија, работел во Министерството за одбрана на Австрија, објави виенски „Профил“.
Неделникот нагласува дека тој имал пристап до доверливи информации. Шпионот е откриен врз основа на информации од „пријателска“ странска разузнавачка служба пришто се наведува дека најверојатно станува збор за германската „МАД“.
Првиот контакт на австрискиот полковник и руските служби бил воспоставен во 1988 година за време на негова посета на Техеран каде е врбуван по што три децении испраќал информации за Русите за што наплатил 300.000 евра.
Интерес на Москва, се наведува во текстот, пред се биле информации за европските борбени авиони „Јурофајтер“.
Автрискиот офицер на секои две недели контактирал со својата руска врска под името Јуриј, наведува Профил.