Град Скопје започна со пролетна акција за чистење на градските булевари и површините под градска надлежност.
Акцијата ќе се спроведува во месеците март, април и мај, во 10 скопски општини.
„Големата пролетна работна акција низ општините опфаќа активности на чистење на булеварите и улиците, рачно и машинско миење на улиците, собирање на кабаст отпад на предвидените локации низ општините, санирање од оштетувања на коловозите, поставување на вертикална и хоризонтална сообраќајна сигнализација, садење садници и уредување на зеленилото низ скопските општини, санации на пријавени дефекти и проблеми од граѓаните, заловување на бездомни кучиња, каде што по нивен хуман третман ќе биде овозможено да бидат вдомени, целосно чистење на атмосферските и фекалните линии, како и активирање механизација за прочистување на дождовните сливници на булеварите и на градските улици“, рече на стартот од пролетната акцика, градоначалничката на Град Скопје, Данела Арсовска.
Акцијата ќе се работи во координација со градските јавни претпријатија „Паркови и зеленило“, „Комунална хигиена“, „Водовод и канализација“, „Улици и патишта“ и „Лајка“, кои ќе дејствуваат во доменот на своите работни задачи со цел надминување на предизвиците и реализација на барањата на граѓаните.