Published: Sunday, September 10, 2023 15:35
Бројот на загинати во поплавите во Грција предизвикани од невремето „Даниел“ се зголеми на 14 лица, откако денеска беа пронајдени уште две безживотни тела во поплавен дом во село во близина на градот Кардица, а исчезнати се три лица, јави дописничката на МИА од Атина.
Од противпожарната служба на Грција соопштија дека загинатите биле идентификувани и станува збор за 65-годишен маж и 88-годишна жена, кои беа исчезнати.
Најверојатно станува збор за мајка и син.
Во погодените подрачја и денеска продолжува акцијата за спасување и евакуација на граѓаните заглавени во поплавените населени места.
Официјално, за исчезнати се водат три лица, еден сточар и двајца туристи од Австрија.
Извор: МИА