Пронајдено е безживотното тело на момчето кое завчера исчезна во реката Вардар кај неготинско Пепелиште, потврди Билјана Филипова, директор на Здравствен дом Неготино.

Утрово екипа на Брза помош констатира смрт кај момчето. Без знаци за други надворешни повреди, рече Филипова.

Телото било пронајдено во близина на местото каде било давењето.

Завчера околу 16 часот во Полициската станица Неготино, З. Ј. (39) пријавил дека неколку малолетници влегле во реката Вардар, при што, еден од нив, малолетник од село Пепелиште, неготинско, не бил виден да излезе од водата.