Пропадна протестот против Бреговиќ во Корча, се појавиле само четворица

Протестот против музичарот Горан Бреговиќ, најавен преку социјалните мрежи не успеа во Корча, Албанија, објави „Клан Косова“.

Само четири лица се јавиле на повикот на поранешниот пратеник Кујтим Ѓjузи. Тие се прошетале по улиците со транспарент на кој пишувало: „Горан Бреговиќ не е добредојден на фестивалот на пивото, ако не се извини“.

Како што се наведува во објавата, во косовските медиуми со денови се провлекува негативна кампања против Горан Бреговиќ, поточно кампањата започна веднаш откако се дозна дека Бреговиќ доаѓа на фестивалот на пивото во Корча.

Бреговиќ е „обвинет“ дека е „инспиратор на масакрот на Косово“, „идол на убиствената српска војска за време на војните во поранешна Југославија“.