Published: Tuesday, May 3, 2016 11:36
Група македонски граѓани – иселеници во Канада вчера се собраа на протест за состојбите во Македонија пред македонскиот конзулат во Торонто.
Со пораките испратени од собирот беше побарано прочистување на избирачкиот список, избалансирано известување од националната МРТВ и другите медиуми со национална концесија. 
Демонстрантите на мирниот собир изразија поддршка за СЈО, со барање за формирање специјален суд кој што ќе обезбеди правично судење за сите обвинети.
Дел од демонстрантите велат дека пријатно изненадување било тоа што меѓу присутните имаше и многу членови и симпатизери на ВМРО-ДПМНЕ.
На протестот присуствувале луѓе од неколку градови во провинцијата Онтарио, како и од американскиот град Детроит.
