Премиерот на Косово, Рамуш Хардинај го разреши министерот за внатрешни работи на Косово Фљамур Сефај и директорот на косовската разузнавачка агенција Дритон Гаши поради апсење и тајна депортација на турски државјани кои работеле во училиштата „Мехмет Акиф“. Тројцата први луѓе на Косово, претседателот, премиерот и претседателот на Собранието изјавиле дека не знаеле ништо за акцијата.
Депортацијата на шесте турски државјани следуваше откако Агенцијата за разузнавање ги окфалификувала шесте турски државјани за ризични лица, а министерството за внатрешни работи им ги укинало визите за престој.
Во образовната институција „Мехмет Акиф“ има градинка и приватно основно и средно училиште. Се верува дека овие училишта се формирани од движењето на Фетула Ѓулен, турскиот верски водач кој претседателот на Турција. Реџеп Таип Ердоган го обвини дека стои зад обидот за државен удар во Турција, во јули 2016 година.
Ердоган во Анкара го коментираше апсењето на турските државјани на Кососво. Тој рече дека како резултат на соработката меѓу разузнавачките агенции на Турција и на Косово биле уапсени шест милитанти на ФЕТО кои ги нарече „највисоки претеставници на ФЕТО на Балканот“.
Учениците од „Мехмет Акиф“ и семејствата на турските државјани протестираа против депортацијата на нивните учители и роднини.