Протестот на Шарената револуција денескa во Скопје, ќе почне во 18 часот. Во исто време почнува и протестот во Битола. Триесет минути подоцна во Велес и Кавадарци.
Во 19 часот ќе има протести во Крива Паланка, Берово, Делчево, Штип, Струмица, Радовиш, Ресен и Прилеп. Во 20 часот е закажан протестот во Демир Хисар, а најавени се блокади на патишта кај беровските села Мојмирово и Мачево.
Во барањето на Шарената револуција се вели:
„Бараме итно поништување на одлуката за одржување избори на 5 јуни и итно поништување на одлуката за аболиција на оние против кои е покренато обвинение од страна на СЈО! Бараме заштита на СЈО и гаранција дека оваа институција ќе продолжи да работи без никакви пречки и во интерес на правдата во Македонија. Уставниот суд итно да се произнесе за уставноста на СЈО и да се овозможи криминалците да бидат соодветно казнети! За Македонија ќе се разговара и преговара во Скопје, а во решавањето на кризата мора да бидат вклучени и независни претставници на граѓанското општество. Конечно, бараме оставка од непретседателот Иванов, формирање специјално одделение на Кривичниот суд надлежно за случаите на СЈО и формирање преодна влада која докрај ќе ги имплементира итните реформски приоритети од извештајот на Прибе“!