Марија Шарапова ја освои првата ВТА титула по две ипол годишна пауза. Русинката успеа во тоа во кинески Тианџин по триумфот во финалето против Белорусинката Арина Сабаленка со 7:5, 7:6. Поранешната прва дама на светскиот тенис имаше големи негативи во двата сета. Во првиот со 1:4, во вториот и со 1:5, но собра сили за пресврт и голема победа на крајот.

За 30 годишната Шарапова ова е 36 трофеј во кариерата, прв по враќањето на тениските терени по 15 месечната суспензија поради позитивен допинг наод. И во Тианџин, како што беше случај и на сите претходни турнири во оваа година, таа настапи со специјална покана на организаторот.

Со 250. освоени бода, Шарапова ќе направи скок за 29 места на новата ранг листа и од утре ќе биде 57 тенисерка во светот.

ВТА турнир Тианџин опен/награден фонд 426,750 американски долари

Финале

Шарапова (Русија) – Сабаленка (Белорусија) 7:5, 7:6