На жените повеќе нема да им биде дозволено да посетуваат настава или да работат на Универзитетот во Кабул „додека не се создаде целосно исламска средина“, објави вчера новиот канцелар на училиштето назначен од Талибанците, по најновиот потег со кој се исклучени жените од Авганистан од јавниот живот.
“Се додека вистинска исламска средина не е обезбедена за сите, на жените нема да им биде дозволено да доаѓаат на универзитети или да работат. Прво исламот”, рече Мохамед Ашраф Гаират на својот официјален профил на Твитер.
Претходно во понеделникот, Гаират твитна на пашту-јазикот дека универзитетот работи на план за сместување студенти- женски предавачи, но не кажа до кога ќе се заврши овој план.
“Поради недостаток на женски предавачи, ние работиме на план за машки предавачи да можат да ги учат студентките зад завесата во училницата.На тој начин ќе се создаде исламска средина за женските студенти да се образуваат”, рече тој напиша на Твитер.
Неговото назначување за канцелар на Универзитетот во Кабул од страна на Талибанците наиде на бура од критики поради недостатокот на акредитиви. Гајрат се спротивстави на тие проценки на Твитер, велејќи дека се гледа себеси „целосно квалификуван да ја задржи оваа фотеља“.
Талибанците, кои владееја со Авганистан од 1996 до 2001 година, ги третираа жените како граѓани од втор ред, подложувајќи ги на насилство, принудни бракови и на речиси невидливо присуство во земјата.
Раководството тврдеше дека нема да спроведе вакви драконски услови, откако овој пат се втор пат на власт.
Но, тие ветувања не се остварија. Отсуството на женски претставници од нивната новоформирана привремена влада и речиси преку ноќ исчезнувањето на жените од улиците во земјата доведе до големи грижи за тоа што ќе се случи следно за половината од нејзиното население.
Милитантите во некои случаи им наредија на жените да ги напуштат своите работни места, и кога група жени протестираа против објавувањето на целосно машката влада во Кабул, талибанските борци ги тепаа со камшици и стапови.
Досега на жените им беше дозволено да го продолжат своето универзитетско образование. Но, Талибанците наложија поделба на половите во училниците и рекоа дека студентките, предавачите и вработените мора да носат хиџаб во согласност со интерпретацијата на шеријатскиот закон.