Вакциналните пунктови „Јане Сандански“, „Бит пазар“ и „Букурешт“ ќе работат  денеска и утре во две смени, во периодот од 07:30 до 19 часот, информираа од Министерството за здравство.

В понеделник, на 7 јануари, пунктовите ќе работат само прва смена од 07:30 до 13 часот.

Во изминатите два дена вкупно 990 деца примиле МРП вакцина. Во моментов, нема нови потврдени случаи на новозаболени лица од морбили (мали сипаници), соопшти Министерството за здравство.

Министерството за здравство апелира до граѓаните кои се соменваат дека нивните деца имаат симптоми на морбили да ги однесат на преглед во ГОБ „8 Септмеври“ или на Клиниката за инфективни и фебрилни состојби. Родителите кои со своите деца ќе одат во поликлините на вакцинација имаат право да го проверат производителот и рокот на траење на вакцината, пред да ги вакцинираат. Од Министерството за здравство уверуваат дека вакцината е со проверен квалитет, произведена во Белгија.