Претседателот на Русија, Владимир Путин, изјави дека Русија ја лансирала балистичката ракета со среден дострел „Орешник“ на 24 мај во регионот на Кијив за да ги набљудува нејзините ефекти за идните лансирања. Путин го изјави ова на прес-конференција, објави „Кијв индепендент“.
Ќе откријам голема државна воена тајна. Едноставно пукавме таму каде што ни беше погодно да ги набљудуваме резултатите, рече Путин, како што објави АП. „Всушност немавме никаква борбена употреба на ракетата ‘Орешник’ на украинска територија во вистинска смисла на зборот“, додаде тој.
Русија ја користеше ракетата „Орешник“ против Украина во три познати прилики. Првпат ја употреби во ноември 2024 година, кога го погоди градот Днепар во централно-источниот дел на земјата. Второ лансирање следеше на почетокот на јануари, насочено кон регионот Лавов, додека трет удар се случи на 24 мај.
Нашите беспилотни летала летаа до амбарот што го погодивме и едноставно гледаа како се распоредуваат боевите глави. Тие пресметаа сè до милиметар“, рече Путин. „Ова беше важно за донесување одлука за идната целосна употреба на ‘Орешник’ врз одредени цели, вклучително и оние во населени области, додаде тој.
Намерното насочување кон цивили или цивилни објекти, вклучително и амбари и станбени области што не се користат за воени цели, е воено злосторство според Женевските конвенции и меѓународното хуманитарно право. Русија редовно таргетираше цивилна инфраструктура во градовите низ Украина во својата војна.
Во ноќта на 2 јуни, Русија изврши еден од најголемите воздушни напади од почетокот на инвазијата, таргетирајќи неколку украински градови, вклучително и Киев, со ракети и беспилотни летала. Официјалните лица велат дека најмалку 23 лица, меѓу кои и две деца, загинале, а 130 се повредени низ целата земја.