По три и пол часа, со пауза заврши состанокот меѓу претседателите на САД и на Русија, Џо Бајден и Владимир Путин по што двете делегации се повлекоа во просториите определени за прес конференции.
Прв прес конференција која во целост ја пренесеува Си ен ен, одржа Рускиот претседател во кој американците ги акцентира во повеќе наврати како,, американски партнери“ посебно говорејќи за заедничките напори во градење на колку е можно посовршена одбрана од кибер нападите, што беше една од носечките теми.
„Почнуваме консултации со САД за кибер нападите врз американски фирми кои се поврзуваат со руски хакери“ изјави Путин.
Путин нагласи дека средбата била конструктивна како и разговорите со Бајден и дека не забележал никаков вид на непријателство меѓу него и американскиот контрапартнер. Разговаравме два часа , изјави Путин а тоа не можете да го правите со секој политичар, повлекувајќи јасна дистинкција за разликите со претходниот американски претседател Трамп.
Како што објавивме претходно, нешто за што се согласиле и се договориле со Бајден било враќањето на амбасадорите и останатата дипломатска испостава во амбасадите на двете земји односно на своите „работни места“ како што рече Путин.
Путин и Бајден, информира рускиот претседател го отвориле прашањето за размена на затворениците и тука постигнале согласност за компромисен пристап, како што рече, за кој ќе се разговара во следниот период.
Украина и Навални биле теми на разговорите. Конкретно за Навални, Путин изјави дека тој намерно правел дела и постапки, ги кршел законите како да сакал намерно да биде уапсен. Ова во рамките на пошироката тема за човековите права, кои Рускиот претседател не прифати дека неговата земја ги крши.
Она што следи поврзано со Американско Рускиот Самит е прес конференцијата на Американскиот претседател Џо Бајден.