Премиерот на Албанија, Еди Рама вели Македонија треба да го промени ставот кон Албанците во земјава, затоа што тие се државотворен фактор кој застанал на вистинската страна од историјата.

Рама смета дека Албанците не се малцинство, туку државотворен фактор за опстанокот на Македонија.

Неговата реакција следува откако одредени медиуми пишуваа дека Тирана влијае во политички случувања во Македонија.

– Би сакал кај македонската страна да видам објективитет и реализам. Албанците повеќе не може да се влечат во Владата и зад кочијата на Владата за неколку позиции и возила. Албанците заслужуваат да бидат почитувани исто како и Македонците, изјави тој, дополнувајќи дека стратешкиот интерес на официјална Тирана е неподелена Македонија каде Албанците ќе бидат еднакви со Македонците.

Албанските политички лидери по изборите беа на средба во Тирана со Рама, по што ја објавија својата заедничка платформа.