Пратеничката на ВМРО-ДПМНЕ и поранешна советничка во Општина Центар, Даниела Рангелова дојде на распит во СЈО, веднаш по заминувањето на поранешниот технички премиер и генерален секретар на партијата, Емил Димитриев.

Пред влегувањето во СЈО, Рангелова рече дека не чувствува вина, бидејќи ништо не направила.

-За тоа како се слеале толку пари во партијата, прашајте ги одговорните во партијата, изјави Рангелова пред новинарите.

Таа, исто како и Димитриев, најави дека ќе побара увид во доказите.

Распитот на Рангелова е во рамки на истрагата за случајот „Талир“.