Генералниот секретар на НАТО Андрес Фог Расмусен на сведочењето во Комитетот за надворешни работи на Европскиот парламент упати охрабрувачки пораки до Македонија и Грција конечно да најдат решение во спорот за името.
Расмусен оцени дека решението на спорот меѓу Македонија и Грција за името е можно, но само доколку постои добра политичка волја.
„Ние сме подготвени да почнеме пристапни преговори веднаш откако ќе биде најдено решение за прашањето за името. Јас ги охрабрувам сите инволвирани страни да дадат се од себе за да најдат решение за тоа прашање. Според мое мислење, тоа не е невозможно. Решението е на дофат доколку постои добра политичка волја“, изјави Расмусен.