Published: Thursday, July 7, 2022 12:50
Од направени 1.129 тестови последново деноноќие, регистрирани се нови 355 случаи на КОВИД-19. И натаму македонската метропола со најголем број новозаразени на дневна основа, по што се Охрид и Битола. Изразено во бројки, сликата е следна: Скопје – 156, Охрид – 32, Битола – 29, Кавадарци – 28, Куманово – 19, Велес – 18, Прилеп – 10, Тетово – 9, Струмица и Кочани – по 6, Гостивар – 5, Штип, Гевгелија, Неготино, Радовиш и Валандово – по 4, Струга – 3, Крива Паланка, Делчево, Дебар, Пробиштип, Богданци и Кратово – по 2, Ресен и Свети Николе – по 1.
Од вкупниот број на позитивни 355, регистрирани се 89 реинфекции.
Во текот на изминатите 24 часа пријавено е едно починато лице од Скопје (75г), починат во болнички услови. Согласно Регистарот на умрени лица со дијагноза КОВИД-19 од Мој Термин регистрирано е едно починато лице од Струга (78г), починат во домашни услови на ден 30.06.2022.
Бројот на активни случаи изнесува 1.474.