https://www.youtube.com/watch?v=WsRA0iXovlo
Бројот на жртвите по нападот досега се искачи на 50, со речиси 100 повредени лица, велат од канцеларијата на локалниот гувернер, пишува Би-Би-Си.
Целта на осомничениот бомбаш самоубиец биле гостите на курдската свадба, која се одржувала на отворено.
Турскиот претседател Реџеп Таип Ердоган синоќа изјави дека најверојатно припадници на таканаречената Исламска држава се сторители на бомбашкиот напад кој се случи синоќа на свадба во Газиантепе.
Во изјавата на Ердоган се вели дека „нема разлика“ помеѓу групата со седиште во САД, предводена од исламскиот проповедник Фетула Ѓулен, кого го обвинува за организирање на неуспешниот обид за државен пуч и таканаречената Исламска држава.
-Нашата земја и нашиот народ имаат уште една порака за вас: Нема да успеете, им порача Ердоган, пренесе АФП.
Синоќешната експлозија се случи во јужниот дел на градот Газиантепе, каде има голем број курдско население, што ги подгрева шпрекулациите за вмешаноста на џихадистите во нападот.
Курдистантската работичка партија потврди дека на свадбата биле присутни нивни припадници, вклучувајќи и голем број на жени и деца.
Ердоган изјави дека нападите во Турција, како синоќешниот во Газиантепе се со цел за ја зацврстат поделбата меѓу рзличните групи во земјата, односно Арапите, Курдите и Туркмените, и да направат раскол по „етничка и верска основа“.
-Нашата тага е голема, но бидете сигурни дека нашето единство и заедништво ќе ги победи овие жестоки напади, порача турскиот премиер Бинали Јилдирим.
Турската радиодифузна агенција забрани емитување на снимки од местото на нападот, како што беше случај и со претходните напади во Турција.
Заменикот премиер Мехмет Симсек оцени дека варварскиот напад изгледа бил извршен од бомбаш самоубиец.
Се уште уште никој нема преземено одговорност на нападот.
Газиантеп се наоѓа на 64 километри од границата со Сирија и има околу 1,5 милиони жители.
Во северна Турција во изминатата година имаше неколку бомбашки напади со жртви, поврзани или со Курдските сепаратисти или со Исламската држава.
Пред седум недели во терористички напад на аеродромот во Истанбул беа убиени 45 лица.