Министерството за здравство (МЗ) информира дека во текот на изминатата недела се аплицирани вкупно 49.569 први дози на вакцини во државата. Забележан е, истакнуваат од МЗ, значително зголемен интерес за вакцинација меѓу граѓаните.
Вакцинацијата се одвива непречено на сите пунктови низ државата, а во тек е, исто така, и теренска вакцинација. На вакциналните пунктови во државата и на терен, заклучно со вчера, се вакцинирани вкупно 586.384 граѓани. Прва доза на вакцина во петокот и вчера примиле 13.950 граѓани, а втора доза, вкупно 8.636 граѓани. Во државата се аплицирани вкупно 1.058.112 милиони дози вакцини, а ревакцинирани се 471.728 граѓани, соопштија од МЗ.
Со последните бројки 67 проценти од населението над 70 години имаат примено барем една доза на вакцина, 64 проценти од населението над 65 години, 60 проценти од населението над 60 години и 50 проценти од населението над 50 години.
„Граѓаните без закажан термин се вакцинираат, во постоечките вакцинални пунктовите низ државата. Процесот на теренска вакцинација се одвива на територија на цела држава, со ротации на медицински екипи во секое село, рурално населено место, населба. Сајтот vakcinacija.mk е отворен за закажување на термини за вакцинација на децата, потсетуваат од МЗ.
Порачуваат дека вакцините се безбедни и ефикасни и се единствен начин за победа над пандемијата и наглсуваат дека само со комплетна вакцинација се спречува тешка форма на болеста се намалува шансата од заболување, како и смртен исход.