Адвокатот на обвинетите во случајот „Монструм“ Насер Рауфи, по завршувањето на денешното рочиште изјави дека изјавите на загрозениот сведок, кој денеска дадваше исказ во судот, се лажни.
-Можевте да видите како овој сведок е збунет, конфузен и повеќе од сигурен сум дека се работи за сведок кој е инструиран. Не би можел да знам точно од кого е инструиран, но очигледно е дека е инстуиран, бидејќи разликите се толку големи посебно во временскиот интервал, во што не би навлегувал бидејќи се работи за ПИМ и тој е загрозен сведок. Но, повеќе од сигруен сум дека овој згрозен сведок не ја зборува вистината. И самото негово инволвирање, стадиумот на инволвирање во оваа постапка го кажува тоа. Но радува дека СЈО е навистна професионално, присуствуваа дури четворица специјални јавни обвинители, што дава оптимизам дека дека ќе се расветли до крај овој немил настан. Денеска ние не завршивме со испитувањето на загрознеиот сведок, тоа ќе следи и мислам дека до крајот ќе биде сосема девалвиран, изјави Рауфи.
-Пресудата сте ја виделе и првостепената и второсепената кои се базираат на, во тоа сум сигурен, овој лажен исказ на тој загрозен сведок и мислам тоа е токму она што успеавме да го докажеме во во претходните постапки, но посебно во Врховниот суд. Токму овие контадикторни изјави на овој загрозен сведок доведоа до тоа ова судење да почне одново, истакна Рауфи.
Судијата Огнен Ставрев поради замореност на загрозениот сведок го прекина неговото денешно сослушување од страна на СЈО и од одбраната за предметот „Монструм“, а продолжението на судењето го закажа за во петок, кога ќе продолжи со сведочење.
Загрозениот сведок на денешното рочиште кажа дека си останува на исказот даден на претходна постапка. Тој исто така препозна неколкумина и ги опиша некои од обвинетите.
Судењето за петкратното убиство кај Смилковско езеро, сторено на 12 април 2012 година, денеска продолжи по пауза од речиси месец и половина. За првпат досега на јавноста и беше дозволено да присуствува на исказот на загрозен сведок.