Published: Sunday, January 21, 2018 12:50
На 27.јануари (сабота), во кафе книжарата „Магор“ ќе се одржи втората книжевна дружба и размена на прочитани книги, во организација на Фејсбук групата „Размена на книги/books exchange“.
Организаторите ги повикуваат сите љубители на пишаниот збор, да си ги донесат прочитаните книги и сите убави мисли поврзани со книгите, и да ги разменат книгите за нови непрочитани.
Настанот и дружбата ќе започнат во 17 часот, без сиже и програма. Размената на книги ќе започне во 17:30 часот.
Правилото е дека никој не носи книги за кои знае дека нема да бидат интересни за размена и секој зема онолку книги колку што донел.