Во блиц формат НОВА ги претставува кандидатите за претседател на Република Северна Македонија на изборите 2024.
На листата пријавени и утврдени кандидатки и кандидати во Државната изборна комисија, а според редоследот со жрепка извлечен во ДИК, во седум последователни дневни продолжувања НОВА ги презентира:
- Стево Пендаровски;
- Гордана Силјановска Давкова;
- Стевчо Јакимовски;
- Бујар Османи;
- Билјана Ванковска Цветковска;
- Арбен Таравари;
- Максим Димитриевски.
Република Северна Македонија – Претседателски избори 2024
6.Арбен Таравари:
Бескомпромисен за европскиот пат на државата, ги поддржува уставните измени за чекори кон ЕУ, иницијатор за промена на уставот и во делот на процентите на делови од народите кои во уставот се побројни од 20% од вкупното население, пациентите велат дека е добар доктор.
Актуелниот гостиварскиот градоначалник, докторот невролог Арбен Таравари, политички опонент на колегата лекар Османи, е претседателски кандидат од неговата партија Алијанса за Албанците, односно на коалицијата „Вреди“ зашто во меѓувреме неговата Алијанса се подели на два дела во тек е правна разврска за наследникот на континуитетот на неговата Алијанса за Албанците. За претседателски кандидат на Република Северна Македонија Таравари доби поддршка од албанскиот опозициски блок (Демократски Сојуз, БЕСА и Алтернатива). На вонредниот конгрес во Скопје беше одобрена неговата кандидатура со што влезе во претседателската трка за шеф на државата.
Иако се конкуренти во овој политички натпревар, со Османи односно со ДУИ се на истата страна кога е во прашање, враќањето на изборот за претседател во Собранието. Таравари наоѓа поткрепа во принципите на Охридскиот рамковен договор за консензуална демократија. Бара отварање на Уставот за три теми: внесување на Бугарите во Преамбулата како услов од ЕУ рамката за почеток на преговорите со ЕУ, впишување на албанскит јазик наместо јазик што го говорат 20% и гаранција за една од трите врвни функции во државата по автоматизам да им припадне на Албанците.
Според него европскиот пат нема алтернатива, како што предизборно изјавува неговите три приоритети се „ЕУ; ЕУ, ЕУ“.
ОБРАЗОВАНИЕ
Арбен Таравари е роден е на 9. април 1973 година во Гостивар. Во 1998 година дипломира на Медицинскиот факултет при Универзитетот Св. Кирил и Методиј, во Скопје, а во 2006. година заврши специјализација за неврологија на Универзитетската клиника за неврологија. Втората специјализација за семејна медицина на Медицинскиот факултет при УКИМ ја заврши во 2011 –та година.
Во истата 2011-та година ја одбрани и докторската дисертација во областа на Паркинсонова болест, а од 2010 година е редовен предавач на Медицинскиот факултет при Универзитетот Св. Кирил и Методиј.
ПРОФЕСИОНАЛЕН РАЗВОЈ
За време на неговото работно искуство, д-р. Арбен Таравари бил претседател на одборот на Одделот за екстрапирамидални болести – Универзитетска клиника за неврологија;
Раководител на одделението за мигрена, главоболки и други синдроми, Универзитетска клиника за неврологија;
Претседател e на одборот, Клиника за неврологија, Универзитетска клиника за неврологија, како и член на одборот на медицинското списание “Меdiicus” и “Vox Medici”.
Беше министер за здравство во Владата во 2017 година, по што, на локалните избори по втор пат стана градоначалник на Општина Гостивар.
Арбен Таравари Тој е оженет со Нора Таравари и е татко на две деца и често во јавноста ја афирмира неговата лојалност кон сопругата и семејството.