Регистрирани се случаи на употреба на импровизирана хемиска муниција со различни хемиски супстанции меѓу кои и хлорпикрин. Најчесто руските окупатори користат гранати од типот К-51, РГР, РГ-В, кои ја содржат опасната хемиска супстанца CS – (хлоробензалмалононитрил). Оваа супстанца спаѓа во групата на надразнувачи, односно борбени отровни материи со иритирачки ефект и истата е забранета со Конвенцијата за хемиско оружје.
Лариса Дир / Вонредна и Ополномоштена Амбасадорка на Украина во Република Северна Македонија
Флагрантното кршење на нормите на меѓународното право од страна на државата агресор РФ, вклучително на Повелбата на ОН и Женевските конвенции, продолжува и во време, и во простор.
Конвенцијата за забрана на развивање, производство, складирање, употреба на хемиско оружје и нејзино уништување беше додадена на низата конвенции прекршени од страна на РФ.
За време на инвазијата од големи размери на суверената територија на Украина, руската армија незаконски користи хемиска муниција.
РФ против украинските војници користи хлорпикрин – отровен гас што се користел за време на Првата светска војна.
Руските војници користи гранати К-51, кои ги фрлаат од беспилотни летала врз фортификационите објекти на украинските војници, за да ги принуди да се најдат под оган на конвенционалното оружје. Регистрирани се случаи на употреба на импровизирана хемиска муниција со различни хемиски супстанции меѓу кои и хлорпикрин. Најчесто руските окупатори користат гранати од типот К-51, РГР, РГ-В, кои ја содржат опасната хемиска супстанца CS – (хлоробензалмалононитрил). Оваа супстанца спаѓа во групата на надразнувачи, односно борбени отровни материи со иритирачки ефект и истата е забранета со Конвенцијата за хемиско оружје.
Употребата на забрането хемиско оружје од страна на РФ на бојното поле им дава значителни можности на руските агресори да ги истисне украинските војници од сопствената територија.
Земјите-членки на Иницијативата за размена на информации од областа на радијационата, хемиската, биолошката и нуклеарната безбедност и заштитеност во врска со Украина во нивната Изјава (мај 2024 година, г. Прага, Чешка, Изјавата беше поддржана од следните земји-членки на Иницијатива за размена на информации: Канада, Финска, Италија, Норвешка, Шведска, Украина, Обединетото Кралство и Соединетите Американски Држави) истакнаа дека како одговор на руската одвратна и незаконска употреба на хемиско оружје на бојното поле, Иницијативата го прошири нејзиниот опсег во мај 2024 година со цел да одговори на итните потреби на Украина во целиот спектар на радијационата, хемиската, биолошката и нуклеарната безбедност и заштитеност.
Покрај тоа, повеќекратната употреба од страна на Русија на хемиски средства за борба против масовните немири како метод на војување, како и употребата на Русија на друга хемиска муниција против Вооружените Сили на Украина, е грубо кршење на Конвенцијата за забрана на хемиско оружје.
Земјите учеснички во Иницијативата истакнаа дека за време на војната од големи размери на Русија против Украина, изјавите и дејствијата на Русија создадоа сериозна закана за безбедноста на нуклеарните и другите радиоактивни материјали и објекти во Украина, што може да доведе до катастрофални последици за украинското население и животната средина.
Во 2024 година, украинската страна испрати до техничкиот секретаријат на Организацијата за забрана на хемиско оружје десетици обраќања во врска со грубите прекршувања на Конвенцијата за хемиско оружје од страна на РФ.
На 8 октомври 2024 година, Обединетото Кралство на Велика Британија и Северна Ирска објави одлука за воведување рестриктивни мерки против радијационите, хемиските и биолошките одбранбени сили на Руската Федерација и нивното раководство за употреба на хемиско оружје во Украина.
МНР на Украина истакна дека ова е уште една потврда на фактот дека Руската Федерација, кршејќи ја Конвенцијата за забрана на хемиско оружје, продолжува да врши злосторства поврзани со употреба на опасни хемиски супстанции против Силите за безбедност и одбрана на Украина.
Кремљ, се разбира, ги негира фактите за прекршувањето.
И покрај осудувачката реакција на меѓународната заедница, Руската Федерација продолжува брутално да ги крши нормите на меѓународното право.
Наспроти ова, особено цинични се намерите на руската страна да биде избрана во Извршниот совет на Организацијата за забрана на хемиско оружје за периодот 2025-2027 година.
Државата агресор РФ, која систематски ја прекршува Конвенцијата за забрана на хемиско оружје, користејќи отровни хемиски супстанции против украинските Сили за одбрана, прво мора да биде изведена пред лицето на правдата и казнета, а второ, не може да биде избрана во состав на раководните органи на соодветни меѓународни организации, вклучително во Извршниот совет на Организацијата за забрана на хемиско оружје.