Ричард Гир го обвини Доналд Трамп за сеење страв кај луѓето но и дека новиот претседател, со своите изјави, охрабрува расистички злосторства.
Славниот актер го изјави ова на Филмскиот фестивал во Берлин.
“Откако Доналд Трамп стана кандидат за претседател, бројот на злоосторства мотивирани од омраза значително се зголеми и мислам дека и вие во Европа ќе го забележите истиот феномен”, рече Гир зборувајќи за новиот претседател на САД но и за популистичките екстремно десни партии во Европа.
Филмската ѕвезда беше во Берлин за да го презентира филмот “Вечера” (“The Dinner”) на Орен Моверман за два пара кои се соочуваат до злосторствата на нивните деца.
Гир исто така рече дека Трамп прави амалгам помеѓу «терористи» и «бегалци» пред се преку својата наредба за муслиманската имиграција, која во моментов е суспендирана.
“Порано имавме емпатија за еден бегалец, тоа беше човек на кој обрнувавме внимание, сакавме да му помогнеме, да му дадеме покрив”, рече Гир кој е познат по одбрана на тибетанската кауза и човековите права.