Американаскиот помошник државен секретар за Европа и Евроазија, Филип Рикер,, удри“ по Европската Унија на Преспа форумот, јасно укажувајќи и дека го изгубила кредибилитетот и конзистентноста на Западниот Блакан а со тоа ги ослабнала и заедничките процеси преземени со САД за овој дел од светот.
„Кредибилитетот и влијанието на ЕУ во регионот на Западен Балкан сега се на многу ниско ниво. ЕУ и сите нејзини членки треба да работат за да го повратат тој кредибилитет и конзистентност. Неодлучноста и неконзистентноста ги ослабуваат намерите и одлуките на САД во регионот“ подвлече Рикер. Тој ја потенцира важноста Македонија и Албанинја да ги почнат преговорите со Унијата.
Тој говореше за посветеноста на Американскиот претседател Бајден за повторно реобновување на трансатлантските односи и во таа насока неодамна реализираната посета на Велика Британија, учеството на Г7 Самитот, учеството на Самитот на НАТО но, и Самитот со Рускиот претседател Путин, за што Рикер уште еднаш ја повтори пораката од таа средба,,Ако Русија работи против нашите интереси скапо ќе ја плати цената“, заклучи тој.
Дури и супер сила како САД не може да се справи сама со предизвиците на новото време, нагласи Американскиот помошник државен секретар говорејќи за местото и улогата што и се дава на соработката врз основа на трансатлантската димензија. Тој уште еднаш ја апострофира извршната наредба на американскиот претседател Бајден за ,,кочничарите“ на демократските процеси во регионот и Преспанскиот договор , како и за оние кои прават корупција и криминал.
Рикер се осврна на преговорите Белград-Приштина и рече без позитивен исход, нема позитивен развој на ситуацијата во целиот регион и се заложи за визна либерализација за Косово и за европерспектива која треба да ја испорача Европската Унија.