Ленче Ристовска: Соопштението на политичката партија ВМРО ДПМНЕ, која во моментот е и носител и на извршната и законодавната власт, не е само критика на мојата работа како обвинител, туку со оглед дека се споменува „крај“ и „време на вистинска правда“, ова соопштение испраќа намерна порака за заплашување и влијание врз мојата работа како јавен обвинител.
Впрочем ова соопштение е само уште еден од низата напади на кои сум изложена изминатиот период.
Како обвинител јас имам не само право, туку и обврска јавно да зборувам за прашања со кои се задира во независноста на обвинителството, се загрозува владеењето на правото и принципот на поделба на власта и се атакува на мојот професионален интегритет.
Мојата работа како јавен обвинител е борба со криминалот и таа секогаш се базира на заштита на јавниот интерес, без оглед кој сѐ се јавува како сторител на кривични дела.
Барам од ВМРО-ДПМНЕ во рок од седум дена јавно да се извини или да ги докаже тврдењата дека моето делување било политички инструирано, дека самата сум си исплаќала бонуси и дека сум користела службени картички. Во спротивно, ќе покренам постапка за граѓанска одговорност за клевета и навреда против партијата.Очекуван партијата да ми се извини или ќе бидам принудена да поднесам тужба.
Извор: Фејсбук