СДСМ на сите начини се обидува да ја блокира работата на Државната изборна комисија и да не им дозволи на граѓаните да излезат на гласање на 5 јуни, изјави Спиро Ристовски од ВМРО-ДПМНЕ
– Техничкиот министер Оливер Спасовски, иако имаше обврска, одбиваше да ги потпише пропратните писма со кои МВР одговара на барањата за дополнителни проверки за ажурирање на избирачкиот список. Неговите послушници во регионалните комисии на министерството, исто така се обидуваа на секаков начин да ја блокираат работата и проверките за кои имаа наредба. Генералниот секретар на ДИК, пак, одбиваше да постапи по задачите кои му беа доделени од страна на комисијата. Единствено нешто што направи Добре Јанчев е вработувањето на Јанакие Витановски, поранешен пратеник од СДСМ како прв човек во најчувствителниот сектор во ДИК одговорен за ажурирањето на избирачкиот список, рече Ристовски.
Ристовски во име на владејачката партија ги повика СДСМ да излезёт на избори. Доколку не го стори тоа, тој смета дека партијата не смее да го оспорува правото на мнозинството граѓани да излезат на избори и да одлучуваат за својата иднина.
СДСМ и повеќе помали партии најави бојкот на изборите, доколку тие се одржат на 5. јуни. Причина за бојкотот на изборите според опозицијата е тоа што до изборите на овој датум, нема време за прочистување на Избирачкиот список, преговорите за регулација на медиумите се прекинати, а државата не е одвоена од партијата.
Заев: Ги повикувам граѓаните да не излегуваат на избори на 5. јуни