Според Регулаторната комисија зголемувањето на малопродажните  цени  во проценти изнесува 1, 84%  во просек. Па така, од вечерва на полноќ важат нови цени на нафтените деривати во малопродажната мрежа.

Малопродажната цена на бензинот ЕУРОСУПЕР БС-95 се зголемува за половина денар за литар, а малопродажните цени на бензинот ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,00 денар за литар.

Малопродажната цена на Екстра лесното масло за домаќинство (ЕЛ-1) се зголемува за 1,50 денари за литар.

Малопродажната цена на Мазутот М-1 НС се зголемува за 1,089 денари за килограм и сега ќе изнесува 37,01 денари.