Презакажано за 15.февруари е рочиштето за случајот ТНТ за уривањето на „Космос“ на Фијат Цановским во кој обвинети се поранешниот премиер Никола Груевски и екс-министерот Миле Јанакиески.
Одбраната изрази незадоволство бидејќи наредното судење е закажано за шест дена.
На денешното судење Груевски му се обрати на судијата дека непотребно ги малтретираат обвинетите.
„Ако е донесена одлука однапред подобро да не осудите отколку да не малтретирате“, му рече поранешниот премиер на судијата Огнен Ставрев.
„Немањето на судница е проблем на судот, следната недела сме секој ден на рочишта, не е фер судењето. Не е фер вака што се закажуваат рочишта, ние ли сме криви што судот нема судница?!“,се обрати поранешниот премиер на Македонија.
Второобвинетиот во случајот, Миле Јанакиески исто така рече дека нема да има време да ги преслуша снимките и праша како може за премиерот Зоран Заев рочиштата да се закажуваат на месец дена, а за нив на три дена.