Нема „членство од втор ред“ во ЕУ – за да се случи тоа, треба да се променат основните Договори на Унијата. Ваква порака испрати евроамбасадорот во земјава Михалис Рокас, по најавата на премиерот Мицкоски дека постои опција Македонија да стане членка на ЕУ во 2027ма во формат „без право на глас“.
Иако во регионот и во самата Унија се води политичка дебата за тоа како ЕУ да биде ефективна – особено ако повеќе земји пристапат во исто време, важечките договори се јасни и потребна е едногласност од 27те земји членки за нивна промена.
Македонија да ги спороведе реформите и да фи реализира обврските за да има јасен и сигурен пат кон ЕУ, порача евро амбасадорот во Скопје.
Претходно премиерот Мицкоски изјави дека ЕУ размислувала за прием на земјите од Западен Балкан во ЕУ членство но без право на глас.
На ваквиот евентуален статус деновиве со изјави се согласија и албанскиот премиер Рама и српскиот Вучиќ но за Македонија, и во евентуални вакви можности, останува обврската за уставните промени.