Првиот носител и најдобар светски рекет, Енди Мареј се пласира во второто коло на Ролан Гарос. Британецот во четири сета (6:4, 4:6, 6:2, 6:0) го скрши отпорот на Андреј Кузнецов од Русија за нареден дуел во Париз против Словакот Мартин Клижан.
„Кузнецов игра агресивен тенис и постојано се обидува да ги држи противниците на основната линија. Зад себе има добри настапи на земја во оваа година и знаев дека ќе биде тешко. Ланскиот турнир беше добар за мене и секој пат кога се враќам овде сакам да бидам подобар од претходниот. Се надевам дека ќе успеам“, рече Мареј кој во 2016 година загуби во финалето од Новак Ѓоковиќ.
Првиот меч во Париз го доби и домашниот адут Гаел Монфис. Французинот го елиминира Дастин Браун од Германија со 6:4, 7:5, 6:0 што е негова јубилејна 400. победа на АТП турот.
Фернандо Вердаско, пак, го приреди најголемото изненадување во третиот натпреваруачки ден на Отвореното тениско првенство на Франција. Шпанскиот ветеран го порази деветтиот носител Александар Зверев кој во Париз пристигна како Мастерс шампион од Рим. Успешна премиера во Градот на светлината имаа и Кеи Нишикори, Хуан Мартин дел Потро, Ник Кирјос.
Халеп, Конта, Радванска и Бушар во второ коло
Мирен ден на турнирот и во женска конкуренција. Сите носителки што се појавија во тенискиот комплекс во Париз ги решија обврските во своја корист. Симона Халеп беше подобра од словачката тенисерка Цепелова со 6:2, 6:3, Полјачката Радванска загуби само два гема во дуелот со Французинката Феро (6:1, 6:1), а Канаѓанката Бушар одигра три сета со Озаки од Јапонија за конечни 2:6, 6:3, 6:2.
Меѓу најдобрите 64 на гренслемот се пласираа и Елина Свитолина, Џоана Конта и Медисон Киз.
Ролан Гарос – Комплетни резултати од трет натпреварувачки ден
МАЖИ, 1 КОЛО
Мареј (1., В. Британија) – Кузнецов (Русија) 6:4, 4:6, 6:2, 6:0
Вердаско (Шпанија) – А. Зверев (9., Германија) 6:4, 3:6, 6:4, 6:2
Вавринка (3., Швајцарија) – Ковалик (Словачка) 6:2, 7:6, 6:3
Монфис (15., Франција) – Браун (Германија) 6:4, 7:5, 6:0
Нишикори (8., Јапонија) – Кокинакис (Австралија) 4:6, 6:1, 6:4, 6:4
Бердих (13., Чешка) – Штруф (Германија) 6:1, 6:1, 4:6, 6:4
Кирјос (18., Австралија) – Колшрајбер (Германија) 6:3, 7:6, 6:3
Шарди (Франција) – Албот (Молдавија) 6:2, 6:4, 7:6
Чунг (Ј. Кореја) – Квери (27., САД) 6:4, 3:6, 6:3, 6:3
Изнер (21, САД) – Томпсон (Австралија) 6:3, 4:6, 7:6, 6:3
Лоренци (Италија) – Беранкис (Литванија) 6:0, 6:2, 6:4
Качанов (Русија) – Јари (Чиле) 6:4, 3:6, 7:6, 6:1
Дел Потро (29., Аргентина) – Пелја (Аргентина) 6:2, 6:1, 6:4
Алмагро (Шпанија) – Багдатис (Кипар) 6:7, 6:4, 6:3, 7:6
Истомин (Узбекистан) – Ескобедо (САД) 7:6, 6:3, 6:4
Долгополов (Украина) – Берлок (Аргентина) 7:5, 6:3, 6:4
Клижан (Словачка) – Локоли (Франција) 7:6, 6:3, 4:6, 0:6, 6:4
Едмунд (В. Британија) – Елијас (Португалија) 6:3, 6:2, 7:5
Андерсон (Ј. Африка) – Јазири (Тунис) 7:6, 6:3, 7:6
Монтеиро (Бразил) – Милер (Франција) 7:6, 2:6, 4:6, 7:6, 6:0
ЖЕНИ, 1 КОЛО
Конта (7., В. Британија) – Хсиех (Тајпеј) 6:1, 6:7, 6:4
Свитолина (5., Украина) – Шведова (Казахстан) 6:4, 6:3
Гарсија (28., Франција) – Хибино (Јапонија) 6:2, 6:2
Халеп (3., Романија) – Цепелова (Словачка) 6:2, 6:3
Корне (Франција) – Бабош (Унгарија) 6:2, 6:7, 6:2
Киз (12., САД) – Барти (Австралија) 6:3, 6:2
Бушар (Канада) – Озаки (Јапонија) 2:6, 6:3, 6:2
А. Радванска (9., Полска) – Феро (Франција) 6:1, 6:1
Таунсенд (САД) – Като (Јапонија) 6:4, 6:0
Ван Ујтванк (Белгија) – Осака (Јапонија) 6:3, 7:5
Пиронкова (Бугарија) – Бартел (Германија) 6:0, 6:4
Кирстеа (Романија) – Пенг (Кина) 6:3, 6:1
Марија (Германија) – Дуан (Кина) 6:4, 6:1
Вондрусова (Чешка) – Асе (Франција) 6:1, 6:0
Севастова (17., Летонија) – Бек (Германија) 6:2, 6:4
Стрицова (20., Чешка) – Риске (САД) 6:3, 6:0
Паке (Франција) – Кр. Плишкова (Чешка) 6:7, 6:2, 6:2
Касаткина (26., Русија) – Викмаер (Белгија) 7:5, 6:4
Суарез Наваро (21., Шпанија) – Сакари (Грција) 6:4, 6:2
Мартиќ (Хрватска) – Бондаренко (Украина) 6:2, 7:5