Карл Хајнц Румениге со ново иницирање на дебата за учеството на „малите“ земји во квалификациите за европските и светските првенства. Претседателот на минхенски Баерн го повтори ставот дека селекции како Сан Марино, Гибралтар, Косово треба да играат претквалификации.
„Сега играме против Сан Марино, против Гибралтар, против Косово. Се прашувам зошто нема претквалификации за тие мали земји“, се запраша Румениге во разговор за „Билд“.
Тој се осврна и на принципот „една земја, еден глас“ во системите на гласање во УЕФА и во ФИФА забележувајќи прито дека гласовите на помалите фудбалски нации имаат иста тежина како и Германија која е велесила.
Овие две теми се редовни во германските медиуми. „Панцирите“ во петокот го совладаа Сан Марино со 8:0 по што најмалку се зборуваше за самиот натпревар. Прв почна напаѓачот на Баварците, Томас Милер кој рече дека домашните одиграле на највисоко ниво, но истовремено потенцира дека светскиот шампион не треба да губи време со такви противници.
На тоа експресно стигна реакција од Ален Гасперони, портпарол на олимпискиот комитет на Сан Марино, кој напиша писмо до Милер со 10 причини зошто се потребни и такви натпревари. Меѓу наведе дека децата од Сан Марино имале прилика да ги гледаат и уживаат во настапот на светските прваци. дека фудбалот им припаѓа на сите што ја сакаат играта и на крајот заврши со провокација за германските туристи.
„Мечот ми послужи да се потсетам дека под најубавите тренирки на „Адидас“ што ги носиш ќе останеш тип што носи сандали со бели чорапи“.
Не сите и меѓу самите германски фудбалери се согласуваат со Томас Милер. Еден од нив кој отворено се спротивстави е Филип Лам, капитен на Баерн Минхен.
„Мислам дека за нив тоа беше натпревар на годината. Тие се радуваа, а фудбалот е радост“, нагласи Лам.