Руските власти ја блокираа веб-страницата на британскиот весник Телеграф поради известување за војната во Украина.
Надзорот за комуникации на земјата, Роскомнадзор, потврди дека пристапот до веб страницата е ограничен откако откриле дека шират „неточни информации за специјалната воена операција спроведена од руските вооружени сили на територијата на Украина“, објави руската државна новинска агенција Тас.
Овој потег беше поттикнат од рускиот јавен обвинител кој забрани напис на Телеграф објавен во февруари за мобилните крематориуми кои се подготвени да бидат распоредени во војната.
Обвинителот пресуди дека написот содржи „лажни информации“ и го внел во листата на „забранети информации“.
Минатата недела, руското Министерство за надворешни работи им забрани на 29 членови на британските медиуми, вклучително и пет новинари на Гардијан, да влезат во земјата, како одговор на западните санкции и „ширењето лажни информации за Русија“.