Еден час Советот на јавни обвинители одлучува дали ќе покрене постапка за разрешување на специјалната обвинителка Катица Јанева за што треба да достави извештај до Собраниео.
На седницата шефицата на Обвинителството за гонење организиран криминал Вилма Русковска ги образложува причините за притворот на Јанева и досегашните сознанија добиени во истрагата за поврзноста на Јанева во случајот „Рекет“.
На седницата присуствуваат девет од десет члена на Советот. Јавниот обвинител Љубомир Јовески иако е член на Советот на јавни обвинители не присуствува на седницата. Одлуката треба да се донесе со мнозинство гласови што во овој случај значи дека треба да гласаат најмалку пет члена на Советот. Пред почетокот на седницата претседателот на Советот на јавни обвинители Коле Штерјев не сакаше да коментира каква одлука може да се очекува. Неофицијално од Советот велат дека за првпат е соочуваат со ваква ситуација и затоа не можат однапред да го предвидат исходот.
Обвинителката Русковска утрово ги достави списите кои дополнително го побара Советот за случајот „Рекет“, односно конкрентно досието за Јанева.
Вчера министерката за правда Рената Дескоска го повика Советот да назначи в.д. обвинтел за работата на СЈО да не биде блокирана.
Јанева беше приведена на 21 август за злоупотреба на службената положба и овластувања во врска со случајот „Рекет“.
Притворот на Катица Јанева поради правните недоречености во Законот за СЈО отвори многу дилеми околу иднината на СЈО и мандатот на обвинителите.
Јовески VS Штерјев: Замената за Јанева заглавена во законските толкувања